وأضاف حجي، ان إجراء الانتخابات التشريعية غير ممكن في ظل وجود برلمان قائم، ولا يمكن إجراؤها سوى بعد حل البرلمان أو في صورة انتهاء المدة النيابية.
وقال ضيف برنامج في 90 دقيقة:" قيس سعيد يساعدوش يعمل انتخابات، تعرفوش واحد في الدنيا امتلك السلطة التنفيذية كاملة والتشريعية كاملة وزاد معاها برك عالقضائية وأعماله غير قابلة للطعن بأي وجه من الأوجه، يعني يعمل في البلاد شيحب هو ثم نهار من النهارات خاطرو ديمقراطي جدا يجي يقول يا قوم أنا التشريعية يزيني منها راني بش نعطيها لبرلمان، البرلمان هذدا ما يقلقوش إنو يكون فيه أحزاب معارضة ليها، اللي غدوة كان يتعمل البرلمان ينجم يعمل إعفاء.. حالتين ينجم يعمل فيهم انتخابات، إما انتخابات مزورة يضمن نتائجها، أو يكون عندو حزب ولا قوة سياسية يدخل بيها للانتخابات بش يفوز في الانتخابات التشريعية وهذا ما صارش وما نتصورش ينجم يصير في بضعة أشهر.. فما إمكانية أخرى إنو يعمل انتخابات تشريعية مثلا يعمل قانون بش يمضن إنو ما يجيوش أحزاب معارضة ليه في البرلمان الجديد أنو يعمل قانون عزل سياسي كيما صار في 2011.. لكن انتخابات بالمقاييس الدولية العادية المحترمة شفافة ونزيهة الحقيقة صعيب ياسر كان يأخذ الريسك هذا، بش يقعد في الحكم بنفس السلطات المطلقة تاو يلقا تعلات وتخريجات سياسية"...