وقال دحمان: ما عناش مراكز معالجة إدمان، واللي موجود في صفاقس ملك جمعية، ينجم يدخل واحد يدخل بالزطلة يخرج بالكوكايين..مركز جبل الوسط هو المركز الوحيد المؤهل لكن يخدم كونترا بدون صفة قانونية، لأنو الإدمان غير مصنف مرض ثقيل، إذا كان المركز اليوم يعمل بتدخل من الأخصاء النفسيين، اللي نحييهم من وزارة الصحة اللي غامروا بش يففتحوا المركز هذا، والمؤشر على أنو ما يخدمش فيه 46 سرير فيه 4 مقيمين أكهو، خاطر الليلة ب30 دينار شكون التونسي اللي ينجم يبيت مريض الليلة ب30 دينار غير قابلة للتعويض، لأن المنظومة الصحية ومنظومة الضمان الاجتماعي في تونس، لا تعترف بأن الإدمان مرض في حين أنو حق كوني حق دولي أنو الإدمان هو مرض من الأمراض اللي يلزم المجموعة الوطنية والمنظومة الصحية والضمان الاجتماعي يخرج من القراءة المحاسبية فاش قاعدين يحسبو، اش بش تتكلف علينا الأمراض هاذي، هي الفاتورة الاجتماعية اللي قاعدين ندفعوا فيها توة غير مقدرة الثمن إذا القراءة المحاسبية قراءة متكلسة لا تفهم المجتمع ولا تتعامل مع المجتمع الحديث".