وقال العجبوني:" تصريح البابا طبيعي نحطوه في الإطار متاعو هو موجة الهجرة، كل حديث وسائل الإعلام الإيطالية على تونس، في الفترة الأخيرة تركيز كبير، وإيطاليا هي خذات المشعل وتدافع على الملف التونسي بحماس كبير لتحقيق مصالحها في نهاية الأمر، مش على سواد عينينا كيما نقولو، عندها مصالح تخاف من موجة الهجرة، موجة الهجرة اللي تضاعفت بأعداد كبيرة جدا كانت ليبيا، اللي يخرجو منها هو العدد القياسي، ولات تونس، تقريب 12 ألف خرجو من تونس سواء من جنوب الصحراء أو توانسة، وبالتالي دعوة جات في إطار معين واللي هي موجة الهجرة، البابا عايش في إيطاليا، طبيعي جدا إنو يسمع الأخبار ويتحدث على تونس، العالم أجمع يتحدث على تونس على ربما قرب انهيار الوضع الاقتصادي والاجتماعي، ولكن للأسف داخليا ما نسمعو حتى معلومات على الوضع الحقيقي لتونس، نسمعو كان خطابات معناها هروب إلى الأمام، حالة إنكار، عنا موجودة الأموال ما نعرفش وينهي الأموال هاذيا، انجموا نعملو على الذات سمعنا مؤخرا"...