وقال الوالي:" قلت ربما نتلتجئ إلى الجيش لتأمين مصبات النفايات... فما فرق بين القرار وربما نلتجئ لأنو ماذابينا ما يدخلش الجيش وكذا وواحد، أحنا قاعدين في حوار أنا توة كنت طلعت قاطعين الطريق، وطالبتني ناس في الزوايد كلم تقريب 39 حاجزين الناس مش معقول هذايا اللي صار طلعتلهم توة وجيت نحكي معاهم نلقاهم محضرين الحجر ولاد صغار في الثنية جاب ربي أنا تفطنت كي ريت قدوس الحجر فما سوء نية وفما إضمار وفما سيارات ماشية جاية، ماهياش الناس هاذوما خاطيهم راهو، فما تجييش فما برشا حوايج قاعدة تصير... ما نعرفش التجييش من عند شكون... البحث هو اللي بش يجيب شكون هاذوما... شي ما فما راهو الزبلة مازالت متكدسة لأنهم هوما رافضين حبينا نتحاورو معاهم ما حبوش، هربنا جاني الأمن قالي لا أخرج، جايين بهراوات وعصي وحجر وكل شي لأنا أحنا وقفنا تقريب 700 ميترو بعاد عليهم، احتجزوا ناس، اللي قاعد يصير ماهوش متاع دولة مدنية ديمقراطية ومتاع حرية، الحرية توقف وقتلي فما نساء داخت في الكراهب متاعها توة وحجزوهم لا خلاوهم يرجعوا بالتوالي لا يقدموا القدام مش معقول اللي قاعد يصير".