وأضاف أن رئيس الحزب نبيل القروي عندما ذهب إليه ذكره بأنه رئيس حكومة وطلب منه استعمال صلاحياته، قائلا:" آش معنتها استعمل صلاحياتك، معنتها حتى عندو الحق باش يدخلك في صلاحياتو، اليوم آش معناتها وزير تابع رئيس الجمهورية فسروهالنا، وإلا يخرج رئيس الجمهورية شنوة المشكل قول راهو الوزير هاذيا تابعني، ما فيهاش إشكال مبدئيا، واضح كونو رئيس الجمهورية عندو وزرة متاعو ويعطلهم يقوللهم كان ينحويكم باش نفضحهم.. أحنا رئيس الجمهورية رئيسنا ومتشرفين بيه، رئيس كل التونسيين، اللي طالبينو هو الوضوح ما عنا حتى إشكال وقتلي البلاد يبدا ما فيهاش نية مقعمزة الناس الكل تخدم، وآش طالبين اليوم طالبين نبعدو ع الحديث الفارغ ونمشيو نخدمو، الكلنا نثنيو الركبة وننفعو هالشعب هاذيا، كي نقول الكلنا من أحنا النواب لرئيس الجمهورية لرئيس الحكومة الوزرة الناس الكل، ياخي مطالبين أحنا باش ما هو مطالبين نجيبو النتايج ولا مطالبين نفكو الوزرة والمناصب، قلب تونس عمرو ما طلب منصب وزاري وغير هذا باقي نبتزو فاش نبتزو، الابتزاز راهو يعرفو كان اللي يستعملو، أحنا مازلنا جدد ما نعرفوش ممكن توة نتعلمو على برشا ناس أخرين"...