من جانبه أوضح العياري أنه لم ينسحب من ملف هلال الشابة، قائلا إنه مضى في الملف بجميع الوسائل والأدوات التي يمنحها له القانون، إلا أنه وجد نفسه وحيدا ضد رئيس الحكومة وضد رئيس اتحاد الشغل ونواب ونقابات ورجال أعمال.
وتابع النائب المستقل:" لقيت اللي الدوسيات اللي نخدم فيهم ناخذ وقت عند القضاء، وصلنا إنو غياب الحل السياسي وفا، وزير الرياضة وصلو طردوه، فقعدت كان التاس فماذا يمكن أن نضيف أكثر، نستنا في الملفات اللي عند القضاء، ونستنا معاهم في التاس وهذا بتنسيق مع هلال الشابة قلتلهم أنا على ذمتكم فاش انجم نعاونكم، أنا حاسس بالظلم اللي تعرضتولو، انجمش نعاونكم في حاجة، قالولي يعطيك الصحة وبارك الله فيك كل اللي عملتو معانا ما ننساوهش، لكن هاذيكا حدود الله، هاذيكا الإمكانيات اللي عندك، هاك ضربت ضربت ضربت توة قعد الملف عند التاس، والناس اللي لاموني وديع الجريء ولاموني جهويات وكذا ويعرف القانون، وانت غالط هاو طلع ما يعرفش القانون وهاي التاس قاتلو ما تعرفش القانون، وهاو قاتلو تفلم ع العباد وتغلط في العباد، وياسين العياري كي خذا قرارو خذاه بعد الاطلاع ع الملف وطلع يفهم قانون خير منك، وهاي التاس أنصفت، التاس لا فيها تلفون للطبوبي ولا فيها تلفون لرئيس الحكومة، لا فيها تلفون لفلان الفلتاني، التاس شافت الوقاع وقالت إنك غالط...".
كما أكد ياسين العياري، أنه قرر إمضاء عطلته الصيفية في الشابة رفقة عائلته إذا سمح الوضع الصحي بذلك.