وقال الهمامي خلال حضوره في برنامج 90 دقيقة على إي أف أم، :" حتى نحنا زادة أخلاقنا طيبة وقلوبنا بيضاء، الاستنتاج اللي أنا استنتجتو، أحنا عنا مثل شعبي يقولك أعمل الخير وأنساه، توة راضية النصراوي عندي عايش معاها 39 سنة، لتوة نكتشف في حوايج جديدة، انجم نقلك في البلاد هاذي تقريبا 99 فاصل 99 في الميا دافعت عليهم راضية النصراوي ما خلاتش حد ودون مقابل، هذاكا علاش ما فماش بقعة نمشولها وإلا نقابلو فيها العباد، ما يقولوش أكي المرا، وراهو فما شكون ما يحبنيش فيهم لصراعات سياسية أما يقلك راضية النصراوي لا، حاجة أخرى دافعت ع الناس الكل عطات للناس الكل بكل الجوارح متاعها وهذاكا اليوم قاعد يعاون فيها برشا، مش بركة قال كلمة، وبعث الورد للدار.. دافعت عليهم الكل وفي الحقيقة حاجة باهية برشا أنها عطات للبلاد هاذيا برشا برشا والمحبة متاع الناس هاذي قاعدة تعاون فيها وأنا بودي محبة التونسيات والتونسيين زادة تعاون المرضى الأخرين.. أنا غاسل إيديا م الحاكم لكن مانيش غاسل إيديا م التوانسة يعانوا بعضهم في الحومة في المؤسسة...".