وأضاف الدرويش أن المشكل يكمن في وصم محمد عبو لحركة النهضة بالفساد وبانحياز الإعلام لها، فكان رد النهضة رفع شكاية ضده، قائلا:" القصة مش قضائية لأنو الزمن القضائي طويل، باش تفض قضائيا باش تأخذ سنوات ولكن الزمن السياسي قصير انت توصمني نوصمك... هل أنو اليوم التناقض بين التيار والنهضة باش يستفيد منو التيار وبش يعبي خصوم النهضة باش يقول هاني بعدت وخذيت المسافة اللازمة عن حركة النهضة وإلا في اللخر باش يطيب لحاجة اسمها عبير موسي وباش يجر الماء لطاحونة عبير موسي، ما تنساش أكثر وحدة ترفع رايات التناقض والطلاق مع النهضة هي عبير موسي وما تنساش أنو سامية عبو هي بيدها ولات تحكي ع الإخوان اللي هي مفردات تستعملها عبير موسي...".
وتابع شكيب الدرويش:" يهمني باش نقول حاجة في موضوع الفساد يبدو أن التيار خسر النقاوة متاعو بميلانو مع إلياس الفخفاخ وسكوتو على إلياس الفخفاخ وخاصة ما قالش شطر كلمة دفاعا عن شوقي الطبيب، يبدو النقاوة هاذيا والعذرية في محاربة الفساد خسرها التيار اليوم".