وقال بن سالم، :" من المفروض ما اناقشوش مسألة بديهية، يعني المسألة هاذي هوما يقولو فما لجان يطرحو عليها الناس أطروحاتهم والمؤتمر سيد نفسه يختار، لا أنا نقول فما مسائل مبتوتة احنا المفروض في مؤتمرنا نحكي على سياسات الحركة، الساعة نقيموا الفترة اللي فاتت، التوافق كان جيد وإلا لا، كان جيد بكلو وإلا الفكرة جيدة والتنزيل ما كانش جيد كيما نقولو احنا، ما كناش ضد التوافق ولكن كنا معناها ضد طريقة تنزيلو، المؤتمر باش يحاسب النخبة الحاكمة التنفيذية، للمدة الـ4 سنوات اللي فاتت، فما يجيش نشوشو ع المؤتمر ونطرحو عليه مواضيع المفروض لا تطرح، وكيما قلت هذا قانون نطبقوه وماهوش معقول نغيرة على المقاس راهو ما يخرجش على نضال الحركة وأبناء الحركة المناضلين، "محمد بن سالم: أحنا عارضنا الرئاسة مدى الحياة لبورقيبة ولبن علي، وعارضنا الطرق اللي غير بيها بن علي الدستور باش يعمل قانون ع المقاس ويعمل رئاسة مدى الحياة، نجيو توة نقترحو نفس الأساليب ؟، نقولو نحبو نعملو استفتاء، نحبو المؤتمر سيد نفسو، فالمؤتمر سيد نفسو هو كلمة حق ولكن مش في محلها".