وقال مرزوق، :"هو رئيس حكومة كفاءات مستقلة ع الأحزاب يعني ما يبحثش يعمل أحزمة في وسط البرلمان، أكالبرلمان تعملو حكومات المحاصصة...  هو حكومة كفاءات مستقلة، صحيح فما ناس صوتو معاه وناس صوتو ضدو، أما مش معناها بنفس منطق حكومة المحاصصة باش يتعامل مع الناس اللي معاه باعتبارهم حزام، مالمفروض هو فوق الأحزاب، فوق الصراعات، فإنو يختار كلمة الحزام بحجة إنو هاذوكم قاعدين يساندو فيا هذايا غالط على خاطر الناس اللي صوتو ضدو زادة ينجمو مرة يكونو معاه ومرة ضدو".
وفسر ضيف برنامج 90 دقيقة سبب صوفه للحزام الداعم لحكومة المشيشي بالناسف، قائلا:" الناسف نقصد إنك تكون الحزام متاعك فيه الائتلاف شسمو هذايا متاع الكرامة اللي فيه ناس تبيض في الإرهاب، هاو واحد منهم سي العفاس كاتب آمس برك وإلا أول أمس حاجة ضد فرنسا.. الناس اللي تبرر في الإرهاب كيفاش تتشرف أصلا تعتبرهم في وسط الحزام، وتسحب القانون اللي ينظم مهنة الإعلام السمعي والبصري تسحبو باش تخلي المقترحات متاع الكتلة هاذي اللي تبيض في الإرهاب تتعدا، رجعو بعد آش ماو قامت القيامة عليه، وهذاكا علاش قتلو أنا هالحزام الناس باش يبدا ينفجر في وجهك، انفجر الانفجار الأول هذا وجهو قامت عليه القيامة قامو عليه الصحفيين والمجتمع المدني والأحزاب الوطنية والشخصيات ورئيس الجمهورية قالو مش باش نصححلك عليه المشروع كي يتعدالي، إذن بشكل عام انت عملت اختيارات غالطة هاي النتايج متاعها قدامك...".