علق النائب ياسين العياري على الخلاف الحاصل بين كتلتي حركة النهضة والدستوري الحر منذ انطلاقها يوم 3 ديسمبر 2019، والذي تلاه اعتصام تسبب في تعطيل أشغال المجلس. 

وتوجه العياري خلال حضوره اليوم الخميس 5 ديسمبر 2019، في برنامج 90 دقيقة على إي أف أم بنصيحة إلى رئيسة كتلة الحزب الدستوري الحر المعتصمة بالاعتصام أمام مقر حزب النهضة في مونبليزير، أو أمام مكتب كتلة الحزب في البرلمان والسماح للمجلس باستكمال أشغاله والقيام بدوره الرقابي والتشريعي.

وقال النائب:" مشكلتها مع حركة النهضة ننصحها تعتصم في مونبليزير وإلا قدام مكتب كتلة حركة النضهة وتسيب هذا المجلس لأنوع ندو دور رقابي وتشريعي وتمثيلي ينفع المواطنين اللي انتخبو النهضة واللي ما انتخبوهاش واللي انتخبو عبير واللي ما انتخبوهاش، أنا كنائب شمدخلني أنا عندي ناس انتخبتني ويلزمني ندافع على مصالحها ما تحطنيش في تصادم معاك، اعتصم بحذاهم حتى لين يعتذرولك، المجلس مجلس لكل التونسيين وقاعدة تصادر في حق التوانسة الكل، وهذا وليس من حقك ومن حق كل نائب اليوم إنو يتصادم معك باش يدافع على الناس اللي انتخبتو وكلفتو بمهمة واللي يخلص في شهريتو وفي شهريتك...".