وقال الدكتور بوجدارية، :" أنا إنسان نتكلم حسب ما نعرف وحسب ضميري لاني باش ندافع على منظومة ولاني باش ندافع على مطالب ساعات غير منطقية، طلعنا في المستوى متاع الوباء أحنا كنا قبل في المستوى الأول اليوم أنا حسب تقديري بين الـ3 ولا 4، لأنو الفيروس يدور توة بكل حرية في المجتمع، فبالتالي عنا عدد محدود من المخابر وعنا كيف كيف عدد محدود من التحاليل، راهو التحاليل ما نصنعوش فيهم في تونس، تونس تشري فيهم الشعب التونسي يشري فيهم من عند المخابر اللي تبيع للعالم كامل ماناش وحدنا طالبين عالم كامل طالب التحاليل، فما نوع متاع تحاليل سريعة البلاد اللي تصنع فيه مانعة تصديرهم توة 3 شهور، اليوم التحاليل نستعملوهم حسب المعرفة الجديدة متاعنا لشكون نعملوهم، نعملوهم للناس اللي عندهم أعراض كبيرة تخليهم باش يرقدو في المستشفيات وإلا في أقسام الإنعاش، على خاطر في المستشفيات فما أسرة مخصصة لمرضى الكوفيد وأخرى للمرضى الآخرين، ما يجيش باش نحط في نفس البيت أو القسم زوز مرضى واحد عندوك وفيد وواحد ما عندوش معناها كأني نقلت العدوى لواحد ما عندوش كوفيد هاذاكا علاش يلزم نعملوهم...".