وأضاف الدكتور غديرة أن الوضع الوبائي يشير اليوم إلى أن الانتشار الفيروسي أصبح مجموعاتي.
وقال عضو لجنة مجابهة كوفيد 19:" هنالك تحرك فيروسي مجموعاتي ما عادش بالبؤر.. خاطر كي تبدا فما بؤرة تبدا مسؤولية الدولة للتدخل لتجفيف البؤرة كي تولي عامة ومجموعاتية ما تنجمش تتدخل في كل حومة ودار دار زنقة زنقة، تولي مسؤولية كل شخص اللي موجود في الحومة موجود في دارو وإلا في مكان العمل متاعو باش هو يتحمل مسؤوليتو وهو يساند المنظومة الصحية باش هو يكون زادة حافز للخرين باش يلبسو الكمامات باش يغسلو إيديهم ويتباعدو ويطبقو البروتوكولات، بلاصة مش مطبقة البروتوكول ما ندخللهاش.. دون خوف دون هلع، المرض هذا موش مخطر، مخطر على بعض العباد، 4 وإلا 10 بالميا م العباد هاذوما باش يتم إيواءهم في المستشفى نعاودو نذكروا معناها انت كانك شاب وتحت 65 سنة وما عندكش مرض مزمن معناها إمكانية باش يجيك خطر صعيبة برشا لكن انت تعاون باش نحميو الناس اللخرين، الحالات اللي باش نأويهم في المستشفى تنقص منهم باش بتطبيق الإجراءات ينقصلنا عدد الحالات المرضية، خاطر العدد اللي تشوف فيه كل نهار نشوفو في تزايد ماللي كان 100 ولا 200 توة 450 حالات كل يوم تكتشف، 450 عنا 60 في الإنعاش أما كي نوصلو أخنا 100 ألف ماهو باش يولي عنا 6 آلاف فين باش نرقدوهم".