عبد السلام: فما 7 مبررات تقريبا لتأجيل المؤتمر

عبد السلام: فما 7 مبررات تقريبا لتأجيل المؤتمر

IFMالجمعة 30 أكتوبر 2020 - 17:00
أكد القيادي في حركة النهضة رفيق عبد السلام اليوم الجمعة 30 أكتوبر 2020، خلال حضوره في برنامج 90 دقيقة على إي أف أم، وجود 7 مبررات لتأجيل موعد انعقاد مؤتمر الحركة القادم، ومن بينهما المبرر الصحي المتعلق بفيروس كورونا.


وقال عبد السلام، :" في البيان موجودة، قلت هاذيا موضوع الكورونا سبب من بين أسباب كثيرة، تقريب فما 7 مبررات، فيها 6 مبررات سياسية وسبب صحي، بل بالعكس الآن فما رغبة أنا نعقدو المؤتمر في أقرب وقت ممكن إذا المبررات الصحية انتفات، الرأي هذا موجود داخل الحزب، ولكن أنا شفت أنو الاعتبار السياسي هو المتقدم وعندو أولوية شنوة الاعتبار السياسي، اللي أحنا في حاجة نمشيو للمؤتمر بتوافقات سياسية ونعمقو الحوار الداخلي... فما اللي يقلك نمشيو للمؤتمر فليكن نمشيو للمؤتمر والمؤتمر سيد نفسه وخلينا نحسمو الأمور بنقاش داخل قاعة المؤتمر، لكن الأمور أكثر تعقيد من هذا، أنا نشوف في حاجة فعلا إلى توافقات سياسية أن الناس تتناقش مع بعضها البعض وتتوافق وتضع القضايا الاستراتيجية.. من المفترض الآن تكون اهتماماتنا ذات طابع وطني ما يلزمش ننكفو على أنفسنا ونبقو نقعدوا في العود الداخلي، مشاغل النهضة مشاغل حزبية فئوية ما تعنيش كل التوانسة، نحبو نحنا النهضة كيفاش تساهم في حل مشاكل التوانسة وباش نهيؤوا البيت الداخلي بش يكون فعلا قادر إنو يقدم الإضافات للتوانسة يحللهم مشاكلهم الاقتصادية الاجتماعية التنموية أو يساهم بش ما نكونوش مبالغين أن عنا نوع من الغرور، أحنا حزب رئيس موجود في البلاد وانجم نقول من دون مبالغة وغرور نعتبروا أنفسنا العمود الفقري للحياة السياسية وإذا أي خلل لا قدر الله يقع في حركة النهضة راهو هذا باش يمس بالتوازنات السياسية وبش يمس بالاستقرار السياسي، وبالتالي في مصلحة إنو النهضة تعالج أمورها الداخلية وأنا نشوف ما يسمى بالخلاف أمر صحي موجود مش المرة الأولى ولا الأخيرة، نحنا حزب كبقية الأحزاب السياسية فما نقاش فما جدل داخل الحزب، ولكن يلزم يتحول من جدل شكلي أو شخصي إلى جدل مضموني حول القضايا المضمونية والفكرية والسياسية الأساسية"...
 

 

 



مقالات مشابهة