نور الدين البحيري: أنا متمسك برئاسة راشد الغنوشي للنهضة ومانيش وحدي
وقال البحيري، :" الدستور نظم إجراءات تعديلو وثما فصول فيها لا تعدل، هاذاكا علاش اليوم نحكيو على تعديل الدستور فيما يتعلق بالنظام السياسي موش حرام، والأنظمة الداخلية للأحزاب وضعوها ولاد الأحزاب، ولذلك أولاد الأحزاب اللي وضعوا النظام الداخلي اللي يقولو فيه كونو رئاسة الحركة غير محدودة في المدة عندهم الحق باش يقولو راهي محدودة في المدة وهوما اللي عندهم الحق باش يعدلو النظام الداخلي متاعهم طبق أحكام القانون بأغلبية الثلثين في أي اتجاه كان ولذلك هاذيكا هي الديمقراطية، الديمقراطية هي حكم الأغلبية المعبر عنها بطريقة شفافة من غير تدليس ومن غير تزييف، اللي نحكي عليه في المنظور الآن قدامنا قانون داخلي عملناه نحنا وفي ظروف يعلمها الجميع يقيد نيابة رئيس الحركة والكتاب العامين المحليين والجهويين بدورتين، أنا نرى القانون هذا أضر بالحركة وفوت عليها فرصة الاستفادة من الكثير من الطاقات وفوت عليها فرص إنو يكون الأجندة متاعها أجندة وطنية، تو شوف نحنا فاش غارقين نحنا في أجندة وطنية فيها الكورونا وفيها المحكمة الدستورية وفيها مواجهة الإرهاب ونحنا نتعاركو اليوم نعدلو الفصل 31 وإلا ما نعدلوش".