وأضاف الماجري أنه كان يظن أنه قدم كل ما يستطيع في سن الخامسة والثلاثين للمنتخب على الرغم من أن رئيس الجامعة التونسية لكرة السلة علي البنزرتي كان رافضا لقرار الاعتزال، وكان دائما يؤكد أنه ليس ملكا لنفسه بل هو ملك لتونس.
وقال محدثنا :"لكن بعد الهزيمة في نهائي بطولة العرب اللي كانت مفاجأة لبرشا عباد، لكنها ما كانتش مفاجأة ليا، خاصة الرصيد البشري متاع لبنان كان ممكن خير منا وكاملين، أحنا ما كناش كاملين حاجة عادية.. الله غالب كنا مقديمن 9 نقاط بعد رجعو علينا، في اللخر، لكن هاذيكا كرة السلة، الرياضة فيها الربح وفيها الخسارة، أهم حاجة الأولاد مشاو غادي وربحو برشا حاجات من التجربة هاذي خاصة الصغار اللي ما يلعبوش برشا في المستوى هذا".
وأشار لاعب كرة السلة التونسي الوحيد الذي سبق له اللعب في دوري المحترفين الأمريكي لكرة السلة، أن تصفيات المونديال التي ستبدأ مرحلتها الأولى في شهر فيفري الحالي مهمة جدا لتونس، لذلك خير تلبية المطلب الشعبي بعودته بعد أن اتصل به رئيس الجامعة ومدرب المنتخب.
وأضاف أنه سيلتحق بوفد المنتخب في السينغال يوم الثلاثاء المقبل على الرغم من أن لديه مباراة غدا، قائلا:" برشا عباد بعد الخسارة هاذي حتى بعد الأفروباكسات قالولي لا ما تبطلش وديما نحبوك تلعب، برشا رسائل وتعليقات بعثوهملي بعد الخسارة، كيما قلت انت لبيت المطلب الشعبي حتى كان بش تجي على حساب صحتي وحوايج خاصة أخر، لكن بلادك ما تنجمش تقلها لا".

*ماذا عن إمكانية عودة مايكل رول للمنتخب

لم ينف صالح الماجري ولم يؤكد إمكانية عودة الأمريكي مايكل رول إلى المنتخب التونسي من عدمه، مؤكدا أن وضعيته معقدة بعض الشيء نظرا لالتزاماته العائلية والمهنية.
وقال الماجري:"آخر مرة حكينا قبل الأفروباسكت، كان مش بش يجي، وصلنا جبناه كان ببرشا ضغط، خاطر مرتو كانت رافضة، عمل موسم طويل، زيد مرتو توة حامل، قالي بش نجي نلعب الأفروباسكات وهذي آخر حاجة مع تونس وما عادش انجم وعندي خدمتي وحياتي تحب ولا تكره مايكل مش صالح، ينجم ياخو بالخاطر في مرة اثنين، مش عامل مزية طبعا شرف ليه يلعب مع تونس ويكون بطل إفريقيا، مرة وحدة.. هو يحس روحو ما عادش ينجم يلعب وما نعرفش ينجم نعاودو نقنعوه"...