
فاكر بوزغاية: العون استعمل علبة غاز صغيرة للدفاع عن نفسو ومش لاكريموجان الكبيرة
وقال بوزغاية:" تم فتح بحث إداري، والأبحاث مازالت متواصلة، تم سماع عدد من أعوان الأمن في الموضوع، كيفاش تمت عملية التدخل، الغاز حسب الأقوال الأولية، هاذيكا معنتها علبة غاز صغيرة مشلة للحركة مش لاكريموجان الكبيرة، علبة غاز صغيرة استعملها عون أمن للدفاع عن نفسو، حسب أقوالو هو قالك أنا خفت على حياتي حسب تقديرو هو للوضعية قالك أنا تحصرت بين الحاجز والجمهور، بالنسبة ليه هو قالك أنا كنت مهدد في حياتي، حسيت بتهديد كبير، قالك يلزمني نستعمل علبة الغاز هاذيكا بش يمنع روحو... صار عليه اعتداء بالعنف من الجماهير على العون هذا، اللي في الفيديو مش ظاهرة أما أحنا عنا فيديوهات أخرين، حصروه بين الحاجز والجمهور تم الاعتداء عليه الزي متاعو قطعهولو... العون تصرف بصفة فردية حب يدافع على روحو خاف على حياتو حسب أقوالو الأولية، قالك أنا كدفاع عن النفس أنا كنت بش نموت، قالك أنا تقص عليا النففس.. هبطو عليه الجمهور قطعولو حوايجو الزي متاعو، قالك أنا كنت بش نموت في اللحظة هاذيكا، ولا هو، القانون يعطيه حق الدفاع الشرعي، استعمل العلبة هاذيكا متاع الغاز، بش يمنع هو حياتو... ورغم ذلك أحنا راهو كإدارة بالطبيعة بش نبحثوه وبش نشوفوا شنوة العواقب متاعها القانونية والإدارية بالطبيعة هذا الكل بش يصير في الأبحاث مبعد"...