وقال السعيداني في مقطع فيديو نشره عبر صفحته الرسمية على موقع التواصل الاجتماعي الفايسبوك، أمس الخميس، أنه لم يسبق له أبدا أن انتدب لاعبا فسخ عقده مع فريق تونسي باستثناء حسام الحباسي الذي انتقل إلى السي أ بي بعد فسخ عقده مع النادي الصفاقسي مشيرا إلى أنه استأذن رئيس نادي عاصمة الجنوب منصف خماخم في الموضوع حسب تعبيره.
وتابع السعيداني:" ما ناخذش متاع الناس، حتى أخلاقيا رئيس الافريقي ما ياخذوش جاء حر مش حر ما ياخذوش يقول خويا أنا هذا جاي من جمعية فك عليا م المشاكل وأكهو ونحترم جمعيتي، والله يمشي لجمعية البرا هكاك أنا نتصرف على كل حال. على العموم هزيت التلفون كلمت رئيس الافريقي، قتلو ما يجيش هكة هكة وهكة، وراو ماناش بش نقعدو 5 سنين في السي أ بي وأنا مع الافريقي سبني ونسبك، يظهرلي كبرنا عالشي هذا وبعدنا وماعادش نحب، نحب نقعد بالقدر وماذابينا نعمل تصويرة لاهية أنا ورئيس الكليب وخيان ونصححو على شنوة باش نتفاهمو عليه وخيان وماصار حتى شي ويزينا م المشاكل خاطر كل شي مبعد ينعكس على الجمهور وعالعباد ولاعيني باش نتعارك مع جمهور تعاركنا بما فيه الكفاية".
وشدد رئيس النادي الرياضي البنزرتي، أن رئيس النادي الإفريقي يوسف العلمي وعده بالتفاهم على صيغة ترضي كافة الأطراف في موفى الأسبوع الحالي، قائلا :"بقدرة ربي وإنو الناس الكل تمشي فرحانة خير ماللي تقعدو في المشاكل، وإلا عنا إجراءات بش نعملوها في الفيفا وبعد كان خسرنا خسرنا وكان ربحنا ربحنا، لكن يظهرلي عيب زوز جمعيات وحدة تتسمى سرقت لاعب جمعية أخرى تحب ولا تكره، يظهرلي يلزمنا نترفعو شوية عالحكايات هاذيا ويلزمنا ناقفو الرجال وفك علينا باش ربي يهبط البركة، حتى الكليب عام الجاي تحب البركة مش تمشي تقول للاعب برا امشي فسخ راهو ما تهبطش البركة...".