وقال المكشر، :" تعليقي كيما تعليق التوانسة الكل، كيما تعليق الشارع الرياضي الكل كيما تعليق رؤساء الجمعيات، تعليقي معناها هذايا قرار كنا نتوقعو كل شي، لكن اليوم سي وديع ظهر بالكاشف كونو هو اليوم لقا روحو أقوى م الدولة أقوى من رئيس الحكومة أقوى من رئيس الجمهورية، لفا روحو يتصرف وحدو، كي جينا نقولو أحنا سي وديع ما يحكم فيه حد ويتصرف وحدو هذا هو اللي وصلنالو وهذا اللي كنا خايفين منو، اليوم نلقاو رواحنا جمعية عندها 60 سنة، تنشط في الرابطة اللولى تعبت باش وصلت للشي هذايا، جا سي وديع نهار سبت عشية قرر باش يشطبها ويشطب الشابة ويشطب أهالي الشابة من تاريخ كرة القدم". 

هذا ونفى رئيس الهلال الرياضي الشابي وجود صراع ثنائي بينه وبين رئيس الجامعة التونسية لكرة القدم وديع الجريء، قائلا :" أنا ما عنديش صراع ثنائي حتى مع شخص ومع هياكل أنا السيد هذايا ما عندي معاه حتى شي صرحت عليه في مناسبات قبل كنت نعرفو قبل كان صديقي، أحنا طلبنا تدقيق، اليوم حاول باش التدقيق هذا يتراجع عليه بالمحكمة، اليوم بالنسبة ليه هو ينحي التدقيق، ينحي الشابة ما عادش عندها صفة باش تنجم تحاكمو ولا تطلبو في التدقيق المالي، لكن اليوم ماعادش هلال الشابة طالبتو في التدقيق اليوم أنا يقظ طالبتو في التدقيق التاس الكل طالبتو، لأنو حساباتو موش صافية وموش مريقل السيد هذايا، السيد هذايا اليوم يجي بالطريقة هاذي معناها بلاد يعلم بيها ربي واقفة كل شي واقف الناس متململة الناس على أعصابها تجي انت تقول الجمعية متاعكم اللي عاملين عليها وقفة احتجاجية وعاملين الدنيا الكل أنا هاني نحيتها، اليوم تجي تقول هاو فما 4 جمعيات أخرينا باش نطلعهم توة...". 

واتهم توفيق المكشر وديع الجريء بتهديد الأمن القومي وبممارسة السياسة داعيا كلا من رئيسي الحكومة والجمهورية إلى التدخل. 

كما أكد محدثنا، أنه لن يسكت على حقوق فريق هلال الشابة وأهالي الجهة، مشيرا إلى أنه سيتم يوم الأحد عقد اجتماع عاجل للهيئة المديرة للنظر في الإجراءات التي سيقع اتخاذها، إلى جانب عقد ندوة صحفية في بداية الأسبوع المقبل.