وقال صابر خليفة خلال مداخلة هاتفية مع برنامج سبور ماكس على إي أف أم، اليوم السبت 1 جويلية 2023:" أنا حصلي الشرف وتكرمت قدام جمعيتي وقدام جمهور النادي الإفريقي، اللي نحبو ونقلو تستحق كل الاحترام ونوجهلو التحية ونقلهم بارك الله فيكم وبش يجي نهار راهو على اللي تعملو فيه وعلى التعب اللي تاعبينو راهو بش يجي نهار وربي بش يكرمنا الناس الكل، وراهو بش يجي نهار وبش نهزو تيتروات وباش تفرحو وبارك الله فيكم ويرحم والديكم"...
وفيما يتعلق بإمكانية توليه لمنصب في النادي الإفريقي مستقبلا تابع المهاجم الدولي السابق:" بالنسبة لي أنا توة ما عندي حتى فكرة، تعرف راهو مسؤول في النادي الإفريقي وإلا أي منصب مش ساهل، راهي جمعية كبيرة كيما النادي الإفريقي إذن يلزمها ناس دمادم كيما نقولو أحنا، علاش لا، إن شاء الله اللي فيه الخير ربي يسهل فيه، ومسؤول ملاعبي بش نكون موجود في الجمهور أي حاجة بش نكون موجود فيها راني بش نعطي كل ما عندي ومش بش نبخل بحتى شي بقدرة الله"...