وقال دلهوم في تصريح لمبعوث إي أف أم، إلى ملعب حمادي الغقربي برادس محمد الهادي بخوش:" الحمد لله على الانتصار والترشح للنهائي... شوط أول تقريبا كنا فرد مستوى أحنا والنادي الإفريقي في بعض الأوقات كنا أحنا خير منهم ما قلقوناش كان الكرة الثابتة متاع الغندري اللي على القائم... الشوط الثاني المنافس كان خير منا عملنا أغلاط الحمد لله هوما صار تسرع ضيعوا فرص وكي العادة موجود سواء في الكرات الهوائية ولا التصديات أحسن حارس في تونس أيمن دحمان، كيما نقولو تجاوزنا العاصفة، حاولنا عملنا التغييرات اللي لازمنا نعملوهم خاطر صاروا إصابات وإلا تعب ما تنساوش مش ساهل بش تعمل 120 دقيقة خارج ميدانك ضد جمهور كبير كي اللي عند النادي الإفريقي مع مجموعة بالنسبة ليهم فما لاعبين بالنسبة ليهم أول مرة ربما يلعبوا في رادس اللي دخلوا.. في اللخر قعدنا نستناو حاولنا نكونوا متوازنين حتى هوما تعبوا في الحصص الإضافية ما شفناش برشا كورة، لكن قعدنا نستناو صاروا ثغرات واحنا ما استغليناش بالباهي الهجمات المعاكسة متاعنا سواء في الشوط الأول ولا حتى في الحصص الإضافية، لكن الأهم توة ترشحنا فرحانين برشا بالترشح لكن مازلنا ما عملنا شي، ما هزيناش اللقب بش نلعبوا السبت الجاي ان شاء الله ضد مستقبل المرسى تهانيا ليه بالمناسبة هاذيا بترشحوا للنهائي، فريق يستحق وجودو في النهائي، بش يكون ماتش صعيب عالزوز فرق، لازمنا من غدوة نحضروة زايدين علينا نهارين راحة مع الأجانب متاعنا مش بش يكونوا موجودين حسين علي ونابي ودياكيتي خاطر مستقبل المرسى كان في الدرجة الثالثة إذن ما عندكش الحق تلعب الأجانب، يلزمنا نلقاو حلول أخرين، عنا 5 أيام في التمارين للإعداد ونلقاو حلول، فرحنا اليوم جماهيرنا الكبيرة اللي كانت غايبة رغم الجامعة كانت مساندتنا وحاولت توفرلنا ثلث الجمهور لكن للأسف ظروف البلاد ما خلاتش جمهورنا يكون موجود، إن شاء الله في النهائي مع مستقبل المرسى نلقاو الزوز جماهير موجودة بش يكمل العرس الكروي والفرحة الكبيرة تكون يوم السبت الجاي هوني خاطر الماتش ما يتربح كان في الميدان"...