En ce moment sur IFM

وصفات طبيعية للشعر المهلوك والمطرشق

لكلنا نعرفو إلي الشعر أهم حاجة في جمال الطفلة، وماذابينا يكون ديما مزيان، غثر ويلمع، أما الشمس السيشوار والماكلة إلي ناكلو فيها تنجم تهلكو وتتسببلو في برشا مشاكل، هذاكا علاش، باش نقترح عليكم وصفات طبيعية تنجم تعاونكم باش تصلحو وتتلهاو بشعركم.
 
 
الوصفة 1:
الحليب، ماذابينا يكون حليب طبيعي 100% من عند الفلاح، تغليه وتخليه يبرد وبعد تشد قطنة تبلها بالحليب وتعديها على شعرك من les racines حتى الأطراف، خليه مدة سويعة وبعد تغسلو الماسك هذا تعاودوه مرة في الجمعة مدة شهر وتلاحظ الفرق.
 
الوصفة 2:
البيض، خلط 2 أصفر عظم+ نصف كاس زيت زيتونة، حطهم في شعرك وخليه مدة سويعة وبعد أغسلو.الماسك هذا تعاودوه مرة في الجمعة مدة شهر وتلاحظ الفرق.
 
الوصفة 3:
العسل، خلط مغرفتين عسل + مغرفة حليب وإلا ياغورت naturel + مغرفة زيت جوز الهند، سخنو شوية على النار وكي يبرد خليه في شعرك مدة 20 دقيقة، وبعد تغسلو بالماء الدافي.الماسك هذا تعاودوه مرة في الجمعة مدة شهر وتلاحظ الفرق.
 
الوصفة 4: 
البنان، خلط بنانة + 3 مغارف زيت زيتونة + كعيبة ياغورت naturel، حطو الخليط على شعر مندي مدى سويعة وبعد اغسلوه.الماسك هذا تعاودوه مرة في الجمعة مدة شهر وتلاحظ الفرق.
 
 
ديما يقولو الوقاية خير من العلاج، هذاكا علاش لازمكم تردو بالكم على شعركم وتنقصو ملسيشوار وحاولو تشربو برشا ماء، وتنضمو ماكلتكم باش تكون صحية ومغذية، وئبعدو على les produits chimiques
 
 
Marwa Maiza
 
 
 
 
 
 
 
Commentez en émotion ! Qu' en pensez-vous ?
0 0 0 0 0
Commentaires