En ce moment sur IFM

كيفاش تختار الrouge à lèvres؟

 
اليوم باش نحكيلكم على أكثر منتوج يتباع في العالم، وأكثر منتوج يستعمل، ال rouge à lèvres وإلي نقولولو حمير. باش نرجع بيكم شوية للتاريخ، ونقوللكم كيفاش كانو يصنعو les rouges à lèvres.
في القرن العاشر، تم إكتشاف أحمر الشفاه إلي كان يتصنع من الأحجار الكريمة، وبعد اطور مع الهندوس والحضارة المصرية القديمة إلي اختلفت مكوناتو وولى يتصنع من الأعشاب الطفيلية والحشايش.
 
في آخر الإحصائيات نلقاو إلي 27 صبع حمير يتباع كل ثانية، معناتها في العام يتباع 850 مليون حمير، في وقتنا هاذا، و بال crise مونديال تعتبر من انجح التجارات.
بعد شوية ثقافة وتاريخ هات نحكيو على أهم حاجة، كيفاش تختار ال rouge à lèvres متاعك.
باش تختار rouge à lèvres يواتيك ويخرج عليك لازمك تعرف الألوان إلي تخرج على لون بشرتك، إلي يتصنفو ل4 أنواع:
الteint porcelaine : البشرة البيضة 
الteint clair: البشرة منمشة وبيضة
الteint médium: البشرة القمحية 
الteint foncé: البشرة الغامقة 
 
وحتى الألوان تتصنف لزوز عايلات:
الألوان الحارة (الcorail، الأحمر بكل درجاتو...) والألوان الباردة. 
 
الألوان إلي تواتي البشرة الفاتحة:
كانك blonda، وفاتحة برشا، الألوان الكل تواتيك، عندك خبير باهي إلي أي لون rouge à lèvres يواتيك.
 
الألوان إلي تواتي البشرة القمحية:
 ال rouge vif ، البرتقالي، الكارامال، الباج ، العسلي هاذوما الألوان إلي تنجم تستعملهم.
 
الألوان إلي تواتي البشرة الغامقة:
الألوان الباردة كيما الprune، البوردو، rose fushia وrouge carmin. أهم حاجة لازم الrouge à lèvres فيه اللمعة، هذاكا علاش ماذابيكم تزيدو فوق اللون إلي حطيتوه شوية gloss.
 
 
Marwa Maiza
 
Commentez en émotion ! Qu' en pensez-vous ?
0 0 0 0 0
Commentaires