En ce moment sur IFM

وصفات طبيعية لتقشير الوجه

 
من أهم الحاجات إلي لازم تعملهم باش تتلها بوجهك وتعتني بيه، ال gommage إلي نقولولو مقشر الوجه. الtechnique هاذي تخلينا نتخلصو من الجلدة الميتة، والوجه يولي مفرشك.
هذاكا علاش باش نقترح عليكم وصفات طبيعية باش تعملوا الgommage وحدكم وفي دياركم ومن غير متصرفو برشا فلوس.
 
الوصفة الأولى: gommage القهوة ضد السيلوليت
المكونات:
2 مغارف تنوة (القهوة بعد ما نطيبوها مانلوحوهاش و نخليوها تشيح) + 2 مغارف زيت زيتونة + 2 مغارف سكر أحرش 
طريقة الإستعمال: 
وإنتي في الدوش، تدهن بالخليط بطريقة دائرية على وجهك وبدنك، ماغير ماتنزل برشا، وبعد تغسل بالماء وتنشف بدنك وتحط ال crème hydratant.
 
الوصفة الثانية: gommage بالعسل للبشرة الشايحة
المكونات:
2 مغارف كبار عسل + 2 مغارف كبار سكر أحرش + 2 مغارف زيت زيتونة 
طريقة الإستعمال:
بعد دوش سخون، les pores يبداو محلولين، تدهن بالخليط على وجهك بطريقة دائرية وعلى بدنك زادا، وماذابيك ماتنزلش برشا، وبعد تغسل بالماء وتشيح بدنك وماتنساش ال crème hydratant.
 
الوصفة الثالثة: gommage بالسميد
المكونات:
2 مغارف عسل + 2 مغارف سميد أبيض 
طريقة الإستعمال:
بعد الدوش، تحط الخليط على وجهك وبدنك وتذم بشوية بطريقة دائرية من غير ماتنزل برشا، وبعد ماتشيح بدنك ووجهك ماتنساش l'hydratant متاعك.
 
Marwa Maiza
 
 
 
Commentez en émotion ! Qu' en pensez-vous ?
0 0 0 0 0
Commentaires