أكد العميد السابق للمحامين والمترشح للانتخابات التشريعية إبراهيم بودربالة اليوم الخميس 10 نوفمبر 2022، خلال حضوره في برنامج في 90 دقيقة على إي أف أم، أن الأمور الإدارية لهيئة الانتخابات كانت على أفضل ما يرام، نافيا ما روج حول التمديد في فترة تقديم الترشحات للسماح له بجمع التزكيات.

وقال بودربالة:"  إذا كان ننظرو بنظرة موضوعية نحنا في فترة استثنائية، وبطبيعة الحال المرحلة الاستثنائية فيها أمور ربما ماهيش مفهومة، ربما الملاحظ لأول مرة يقول ما فماش مناخ انتخابي سليم، لكن للأمانة نقول كونو بعلاقتي بالهيئة الفرعية للانتخابات ريت كونو الأمور الإدارية متاع الهيئة على أحسن ما يرام، أمور مضبوطة، الآجال يعني أنو في صورة ما إذا كان يعني قبول الترشحات كان فما إطار إداري كبي ياسر، تقريب كل دائرة انتخابية عندها 4 أعوان متخصصين بش يقبلو المترشح، التوقيت مضبوط...
المقولة اللي تقالت غالطة جملة وحدة لأنو قدمت التزكيات يعني في الآجال القانونية يوم 24 على الساعة الخمسة و26 دقيقة، لأنو نهار الأحد بقيت مرتاح ونهار الاثنين حضرت القايمة اللي فيها 400 شخص مزكي، الاسم واللقب ورقم بطاقة التعريف ويعني تاريخ الولادة، بش يثبت يعني في النسب اللي يلزم تتوفر في التزكيات، وبينت في مرة من المرات وأنو هاته المقولة غير صحيحة لأني فضلولي 206 تزكيات، ما بين وقتها نتذكر فما 17 تزكية متاع دون 35 سنة فيهم 4 نساء والبقية 13 رجال، التزكيات متاع النساء اللي فضلو 47 تزكية والتزكيات متاع الرجال 90 تزكية، هاذوما موجودين"...