شبهت ألفة الحامدي رئيسة حزب الجمهورية الثالثة، اليوم الأربعاء 19 أكتوبر 2022، خلال حضورها في برنامج في 90 دقيقة على إي أف أم، رئيسة الحكومة نجلاء بودن بملكة فرنسا التي تمت الإطاحة بها إبان الثورة الفرنسية ماري أنطوانيت.

وقالت الحامدي:" وقت اللي صارت الثورة الفرنسية الشعب مشا للقصر متاع الملك بش يهد الباب ويدخل، جاع الشعب مشاو يقولو في الشارع الشعب يريد الخبز، الملكة في القصر سألت الحاشية متاعها قالتلهم ياخي شبيهم الشعب متغشش البرة.. قالولها يا السيدة الملكة الشعب ما عندوش الخبز، قالتلهم أعطيوهم كرواسون، هاذيا ماري أنطوانيت دخلت للتاريخ كأكبر مثال كيف تكون القيادة بعيدة كل البعد ما عادش عندها حتى دراية بالواقع، تعرف أحنا في القصبة شكون عنا تو ما عناش رئيسة حكومة اسمها نجلاء بودن عنا ماري أنطوانيت تحكم فينا، حتى العزاء ما خرجتش عزتنا، رئيسة حكومة ما تخرجش تعزي الشعب التونسي ما تعزيش العايلات، يا مدام شنوة خدمتك انت غاديكا كرئيسة حكومة أخرج عزي الشعب التونسي عزي العايلات"...