وقال الخلولي:"ّ أحنا من خلال قراءتنا لتاريخ تونس شفنا انو المضرة الكبيرة اللي جات للتوانسة كانت بتدخل من أقارب وأصهار والمقربين ممن كانوا يحكمون في تونس، سواء في فترة بورقيبة ولا في فترة بن علي... اليوم تخوفنا أنو السيناريو هذا يتعاود مع قيس سعيد من كثرة دعمنا لقيس سعيد وللمسار اللي نحبوه ينجح، من باب النصيحة قلنا هالكلام مش من باب الاتهام، أكيد أحنا من خلال ما نقوم به في عملنا كمحامين ناخذو ملفات ونبدو نفصلو فيها، والموقف هذا اللي خذيناه بناء على استنتاجات موجودة وموثقة، باعتبار وجود جمعية تتبنى المد الشيعي في تونس هو موجود فيها الصديق والزميل نوفل سعيد كمؤسس ورئيس لهذه الجمعية، وطبعا عنا جمعيات أخرى تناهض هذا التمدد الشيعي، لأنو شنوة المد الشيعي هو، أنو عندهم مشروع يسموه مشروع إسلامي أو ثوري، يقول أنو يتركز على الثورة ضد السنة الإسلام السني, متركز كيف كيف على الثار لأهل البيت، طبعا هذا الكل باعتبار فيه عنصرية ومسألأة العنف والإرهاب وفيه كذلك اقصاء للسنيين في أنحاء العالم، وللعرب...نحن نعتقد أن الشعب التونسي والمجتمع التونسي هو في عقيدته سني وفي مذهبه مالكي وطبعا هذه العقيدة أخذناها عن أجدادنا وهذه العقيدة مرسخة في تونس، ولا يمكن أن ندعي أنو في يوم من الأيام نكونوا شيعيين، لأنو الشيعة هي ضد المسلمين... قصر الرئاسة رمز للدولة التونسية وقصر قرطاج هو رمز للسيادة، سيادتنا غاديكا تقتضي أن هناك مشاريع أجنبية لا يمكن أن يقع الاعتراف بها رسميا من طرف الدولة التونسية، وما دام هناك شبهات رغم أنو عنا الوثائق، ينجم يقول أنا مستشار قانوني، عنا قانون أساسي متاع الجمعية اللي عملوها عنا صور وفيديوات في حضور مؤتمرات وندوات متاع الشيعة وكانوا يقودوها مسؤولين شيعيين وخاصة آخر ما فما هو مؤتمر لدعم المقاومة الفلسطينية وسموها المقاومة والتحرير واللي كانوا حاضرين فيها من ضمنهم السيد نوفل سعيد، أحنا ما نراسلوش في المسألة هاذيا، أحنا ماللول مشينا مع رئيس الجمهورية أنو نبعثولو كتابيا كل مقترحاتنا ونصائحنا باعتبارنا أحنا مساندين، أحنا من بعد آش عملنا باعتبار أنو ما فماش تجاوب مع رئيس الجمهورية، وباعتبار أن هناك عديد المكاتبات والمقترحات تبقى في مكتب الضبط وما توصلوش"...
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn