تحدث الصحفي مسعود الكواش في مداخلة هاتفية مباشرة من جرجيس مع برنامج في 90 دقيقة على إي أف أم، اليوم الجمعة 21 أكتوبر 2022، عن ثلاجة الموتى التي تم اكتشفاها في مقبرة الغرباء بجرجيس.

وقال الكواش:" نأكد وجود بيت حفظ الأموات في مقبرة الغرباء وهي اكتشاف بالنسبة ليا كصحفي لأول مرة، رغم إني حضرت مرتين قبل في المقبرة، وهي اكتشاف حتى بالنسبة للعائلات، كنت حاضر في تحول مجموعة من العائلات إلى هذه المقبرة للتثبت من إمكانية وجود بعض المفقودين فيها، وخلال هذه العملية اكتشفنا وجود بيت حفظ الأموات هاذي وكان فيها جثة مجهولة الهوية، الحارس أكد أنو عندها أكثر من شهرين فيها... مؤكد فما عديد الشبهات والتساؤلات حول إمكانية وجود جثث أخرى من المفقودين وهذاكا علاش إلى حد الآن العائلات مازالو شادين صحيح من خلال الاحتجاج، أمس عملو خيام أمام مقر المعتمدية، واليوم في حركة تصعيدية تحولت الخيام إلى داخل مقر المعتمدية للضغط على السلط من أجل التواصل معهم، الشباب من عائلات المفقودين يأكدوا أن السلط مازالت تعامل بيهم بالحقرة رغم نصب الخيام ما جاهم حتى مسؤول، يشوفوا فيها قمة متاع إهانة وإذلال وحقرة"...