أكد الكاتب العام الجهوي لاتحاد الشغل بصفاقس يوسف العوادني اليوم الأربعاء 1 جوان 2022، خلال مداخلة هاتفية في برنامج في 90 دقيقة على إي أف أم، أن التجمع النقابي الذي سيلتئم غدا في صفاقس، سيكون بإشراف أمين عام الاتحاد نور الدين الطبوبي، وسيتطرق إلى محورين.

وقال العوادني:" محور يهم الشأن العام، إعلام الإطارات النقابية اللي هوما يمثلو النقابات الأساسية اللي عندهم علاقة مباشرة مع القواعد النقابية على الوضع العام وما تمر بيه البلاد والظرف اللي نعيشو فيه والأفق اللي حتى حد ما يعرف كيفية الخروج منو، والمحور الثاني يهم جهة صفاقس وهو الوضع البيئي الكارثي وبطبيعة الحال أحنا كمكتب تنفيذي وكإطارات نقابية بجهة صفاقس بش نعلنو يوم إضراب وهذا بش انسقو فيه مع مكونات المجتمع المدني اللي يهمهم الوضع البيئي وكذلك المنظمات الوطنية كاتحاد صناعة وتجارة واتحاد الفلاحين وسنعلن عن هذا اليوم يوم سيكون تحت شعار يوم غضب، دعوة لكل أهالي صفاقس بش ينزلو للشارع مع بقية المكونات ويعبروا على غضبهم وعلى سخطهم على الوضع اللي تعيشو ولاية صفاقس".
واعتبر الكاتب العام للاتحاد الجهوي بصفاقس، أن تصريح الناطق باسم الحكومة عملية إعلامية استباقية لتمييع التوجه الحقيقي للاتحاد العام التونسي للشغل، والمطالب الملحة، التي سبق للمكتب التنفيذي تقديمها دون وجود مؤشرات تنبئ بالتوصل إلى حلول.
وقال محدثنا:" بطبيعة الحال هو في إطار ربح الوقت وتعمية الرأي العام وبش يظهر الاتحاد العام التونسي للشغل وكأنو قوة كان متاع إضراب وماهيش متفهمة وضع البلاد، أحنا عنا عام من وقت 25 جويلية أرجع لبيان المكتب التنفيذي الوطني في 26 جويلية أش قلنا، ثم الموقف متاع الهيئة الإدارية الوطنية يوم 3 أوت 2021، أش قلنا وأش طلبنا من بعد 25 جويلية، الوضع ازداد سوءا، غلاء الأسعار والمقدرة الشرائية تدهورت، الوضع الاقتصادي متدهور، الوضع الاجتماعي آيل للانفجار، والوضع السياسي كيما يعرف الجميع معقد.
كما نفى يوسف العوادني وجود أية علاقة بين الإضراب العام المرتقب للاتحاد وبين الحوار الوطني، قائلا:"  عنا رأي وموقف فيه وبلغناه علنا في الهيئات الإدارية السابقة في الأسبوع الفارط وقلنا حوار وطني مش على الشاكلة اللي اقترحها السيد رئيس الجمهورية أن الاتحاد العام التونسي للشغل بثقله وبثقل تاريخ نضاله الوطني، ما يدخلش في لجنة اسمها لجنة استشارية، ثم اللجنة الاستشارية ما عندها حتى شي، تنجم انت تمشي كمنظمة اسمها الاتحاد العام التونسي للشغل أحنا عنا بديل وعنا مقترحات في المحاور التلاثة الاجتماعي والاقتصادي والسياسي، وأحنا اليوم مجتمعين في إطار هيئة إدارية لحوصلة كل المقترحات لإعلانها للرأي العام ولكل من يهمه الأمر في تونس أن هذا الاتحاد هاذي رؤيتو وبالتالي ردا على المسار اللي ماشي فيه السيد رئيس الجمهورية المرور بالقوة، أحنا حتى حد ما يحددلنا مربع كاتحاد عام تونسي للشغل وحتى حد ما يمر علينا بالقوة".