اعتبر منير بن صالحة محامي الفنان نور شيبة اليوم الثلاثاء 15 مارس 2022، خلال حضوره في برنامج في 90 دقيقة على إي أف أم، أن قضية موكله كانت سببا لفتح ما أسماه بقلعة مركز التحاليل وليعرف التونسيين حقيقة ما يحصل.

وقال بن صالحة:" ندعو الإعلاميين يجيبو خبراء يفسرولنا كيفاش العنينة تأخذ وتتخدم وكيف تحفظ ويحكيولنا على هامش الخطأ هل هو موجود أو لا، إذا كان هامش الخطأ مستحيل 0 بالميا يولي وقتها الجريمة أو الحاجة الآثمة مفترضة لأن الخطأ صفر، إذا الخطأ 20 ولا 30 ولا 50 بالميا فعلى الدنيا السلام وقتها نخاف على القضايا اللي تحكمت قبل .. أحنا قبل كنا نرافعو في المحكمة توة تذكرت منذ 20 عاما يبدا يبكي يقول والله ما نستهلك والقاضي يقلو تحليلك إيجابي، المحامي يوحل والقضاء يوحل لأنو فما مركز يترأسه طبيب معترف به أمضى وقال إيجابي، اليوم هل سوف نراجع كل هذه القضايا، وهل سيكون ملف نور شيبة سبب في إعادة مراجعة القضايا، هل سيكون السبب لإعادة النظر في هذا الهيكل وطريقة العمل متاعو نحب نقلك راهو فما ناس قالت مش مستهلكة وطلعت مستهلكة وفما العكس، ويبقى السؤال لماذا يعترف وهو يغير العينة ولماذا يستقدم عينة متاع امرأة مش متاع ذكر على قلة الرجال موجودين، وبالتالي أسئلة أنا ما نجمش نجاوب عليهم وغير مؤهل بش نجاوب عليهم"...