أكد مدير عام مؤسسة سيغما كونساي حسن الزرقوني اليوم الأربعاء 14 سبتمبر 2022، خلال مداخلة مع برنامج في 90 دقيقة على إي أف أم، للتعليق على نتائج البارومتر السياسي لشهر سبتمبر، أن الفجوة بين الأغنياء والفقراء اتسعت كثيرا.

وقال الزرقوني:" 89 بالميا يراو أنو الفجوة قاعدة تكبر هذا دليل على أنو الأزمة الاقتصادية الاجتماعية في تونس قاعدة تترسخ بطريقة كبيرة، دليل على أن الأزمة عميقة جدا، اللي خلا الناس مش مرتاحين لدرجة أنهم يراو أنهم مش لاباس عليهم وناس أخرين مسلكينها، ومن تداعياتو أنو منسوب الكراهية والبغض والحسد يكبر في البلاد ونراو في شبكات التواصل الاجتماعي أنو الناس موجوعين موضوعيا لأنو الدولة ما تلهاتش بيهم وما استكشفتش سبل التنمية أو خلق الثروة وتحسين الوضع أو التخفيف من حدة غلاء المعيشة، 51 بالميا قالولنا تلقائيا أنو الحكومة يلزم تكون أولوية الأولويات هي تحسين القدرة الشرائية والحد من غلاء المعيشة"...