أكد خليل الرقيق كرونيكور برنامج في 90 دقيقة على إي أف أم، على ضرورة الاستماع إلى راشد الغنوشي في علاقة بملف التسفير، على الرغم من محاولات تتفيه الموضوع.

وأضاف الرقيق أن الغنوشي كانت لديه علاقة مباشرة وراسل أمراء حرب استقبلوا الشباب الذي تم تسفيره وأطلقه لقتل الليبيين.
وقال كرونيكور البرنامج: "الغنوشي يلزم يتسمع وفما محاولات متاع تتفيه الموضوع إلى درجة دخولو في الإجراءات و14 ساعة، قبل كل شي أنا نقول للجماعة اللي تضحك عالموضوع هذا وتقهقه، الساعة راهو حكاية الأنفاق ما تضحكش، حتى لو إشاعة يلزم نثبتو فيها، الساعة يا سي سمير ديلو يا محامين رانا ماناش قدام قطب مكافحة الإرهاب على سرقة موبيلات، رانا على قضية متاع أمن قومي تونسي تتعلق بيها قضايا متاع أمن خارجي لدول أخرى يلزم نفهمو هذا، يلزم نفهمو اللي أحيانا قدام قضية متاع إرهاب ثبت بالكاشف أنو فيها شخصيات سياسية من أعلى مستوى متورطة بالتواطئ أو بالتمويل أو بالتخطيط، شكون كان يحكم في البلاد وقتها، أنا يجد عليا اللي ناس مبايعة الغنوشي ما يشاوروهوش وقتها كي يعملو تسفير، يعني كل أجهزة الدولة كانت مسخرة للغنوشي، كل اللي يحب يطلع للوزير حتى من الفسيفساء متاع المعارضة الترويكية يمشي يأخذ مصادقة من عند الغنوشي، ينجمش حد ينكر اللي الغنوشي كانت عندو علاقة مباشرة وكان يراسل في أمراء الحرب متاع ليبيا اللي هوما استقبلو الشباب المسفر وسيبوهم عالليبية يقتلو فيهم، نعرفوها، والغنوشي وصل عمل تهنئة بغزو خارجي لقاعدة ليبية بمعني ماناش نحكيو مع واحد انسان عمل جرم بسيط وإلا تلكش هو وواحد ولا تعارك هو وواحد، هذا انسان مسؤول على قضية إذا مرت من المحلي للإقليمي مصيبة وإذا من الإقليمي للجنايات الدولية مصيبة أخرى".