اعتبر خليل الرقيق كرونيكور برنامج في 90 دقيقة على إي أف أم، اليوم الخميس 30 جوان 2022، أن راشد الغنوشي هو رئيس حزب مثلما هو مدرج في الوثائق، لكنه أيضا رجل التنظيم كبقية الإخوان المسلمين، مشددا على أن نشاط التنظيم يشمل أشياء غير موجودة في النشاط السياسي العلني.

وقال الرقيق:" مثلا تنجم دوسي جمعية نماء وانستالينغو تلقه في بيرو الغنوشي متاع الخامس تنجم الذباب الأزرق بكل ما يعنيه من نشاط إعلامي تلقاه في الخامس تنجم الماكينة المالية متاع الحركة اللي عمرها ما كانت في الحسابات البنكية تلقاها في الطابق الخامس، بمعنى الغنوشي ما خرجش عاللي شفنا في مصر، تشوف مرسي في القصر تشوف حزبو يخدم، وتلقا خيرت الشاطر رجل التنظيم هو اللي يربط الصلة بالارهابيين متاع سينا وهو اللي يجيب الفلوس وهو اللي يعمل كل شي، بمعنى هذه تنظيمات عنقودية من عام 1928 تسير بفكرة الوجه العلني المضيء والوجه السري المظلم، تعرف جيدا الجامعة طلبة الاتجاه الإسلامي عام 1991 ما كانوش يعرفو اللي بش يكتفوا عساس ويحرقوه في لجنة التنسيق هاذوكم طلبة الاتجاه الإسلامي المعلن وفما الجهاز، الاتجاه الإسلامي متاع 87 ما كانوش يعرفوا اللي فما انقلاب في 8 نوفمبر عن طريق جيش بمعنى الغنوشي هو رجل الجماعة وليس رجل حزب حركة النهضة".