علق خليل الرقيق كرونيكور برنامج في 90 دقيقة على إي أف أم، اليوم الخميس 7 جويلية 2022، على إسقاط عدد من قائمات قلب تونس وحركة النهضة في الانتخابات التشريعية لسنة 2019.

وقال الرقيق:" الحكاية متاع الدوعاجي... عاش يتمنى في عنبة مات جابولو عنقود ... الناس اللي خدمت بجهدها في الانتخابات اللي فاتت وماعندهاش فلوس وعملت على إمكانياتها الذاتية وعلى إمكانيات أصدقائهم ودارو في الشمس بش يطلع في انتخابات ديمقراطية توة أش تنجم تقلو بعد ما سقطت قايمات بعد ما حكمو وطاحو مالحكم وأصبحوا اليوم في التتبعات، معناها شفت لو كانت عنا فعلا وقتها هيئة انتخابات حقيقية اللي تنجم توقف على البلاصة القايمة لو كان جاء عنا قضاء شادد ثنيو فيسع فيسع يتحسم في القضايا راهو برشا ناس ظهرت على حقيقتها، أنا ما نكذبش عليك واكبت الحملات الانتخابية الكل وربما كنت في فترة ما مشارك كمستقل ونعرف كيفاش تخزر تلقا حوايج تفوق السقف الانتخابي ب10 آلاف مرة، زعما الإيزي والدولة ما شافوهاش ناس تعمل في مهرجانات وتفرق في فلوس ومبعد تقلك أحنا أمور شفافية برا امشيو للقضاء، المشكل فاش كي مشينا للقضاء وحكم القضاء الفاس وقعت في الراس"...