أكد خليل الرقيق كرونيكور برنامج في 90 دقيقة على إي أف أم، اليوم الثلاثاء 8 مارس 2022، في تعليقه على خطاب رئيس الجمهورية خلال إشرافه على موكب أداء أعضاء المجلس المؤقت للقضاء لليمين الدستورية، أن السياسة القضائية في البلاد بصدد التغيير، مشددا على وجود عدة مؤشرات اليوم تعطي الأمل لحل الملفات المتراكمة وتحقيق العدالة.

وقال الرقيق:" في الحقيقة خطاب أمس مهم جدا في ربطه بين برشا عناصر، بين من تسلل إلى قصور العدالة السياسي، من جوع الشعب الاحتكاري، النهب مسالك التوزيع، بمعنى أحنا قادمين على معركة تحرير وطنية، وعلى شنوة تحلينا، تحلينا لثنائية الاستعمار وعملاء الاستعمار، هو يتهم جزء من الطبقة السياسية القديمة بالخضوع إلى أجندات أجنبية وإلى عدم تلبية حاجيات الشعب التونسي في حتى شي وأيضا بالاجرام في حق الشعب التونسي، وقتاش بش يتحل غدوة الحي مثلا القضاء الجديد متاع قيس سعيد غدوة يلقاو القضايا الكل سايي، لا بالطبيعة فما مسار فما قضاة تو بش ياخذو بلايصهم وملفات بش تتحط للعلن، وفما رقابة م المجتمع على قيس سعيد على المجلس الأعلى للقضاء الجديد ونحبو في التالي نخرجو من هاذي أنو القضاء في يد حزب معين.. ما فما حتى مؤشر اللي الرئيس كلم قاضي بالتليفون وقالو أحكم بعشرة شهر ولا بشهرين، لحد الآن نواياه قال أنتم مستقلين، وآخر قرار قطع مع القرار الإداري وقالهم هاي الكورة عندكم"...