أكد خليل الرقيق كرونيكور برنامج في 90 دقيقة على إي أف أم، اليوم الأربعاء 7 ديسمبر 2022، أن مسألة رفع الدعم غير موجودة على أرض الواقع إلى حد الآن.

وقال الرقيق:" في صورة رفع الدعم، اللي مازال حتى طرف ما قالو بصفة رسمية، في صورة رفع الدعم اللي أحنا استوعبناه كحقيقة، وهو مازال ما ولاش حقيقة، رئيس الجمهورية جاء لرئيسة الحكومة، قالها لا مجال لرفع الدعم عن العائلات المعوزة، لا مجال لبيع المؤسسات العمومية، أحنا رفع الدعم بدينا نتعاملو معاه كحقيقة، أنا أعتقد إلى حد الآن جازما أنها غير موجودة على أرض الواقع، نرجعو لحكاية الخبز توة، باهي أنا من ساعة نحكي أنا وسفيان تذكرت برشا مشاكل، وقتاش تصير المشاكل وقت كل ما يستوجب الدولة تدفع بالحاضر، في القهوة صارلنا يلزم ندفعو كاش توخرت صارت أزمة قهوة، في الزيت والإيسونس، وقتها خرجوا قالوا السيولة، عنا حقيقة في البلاد هاذيا واضحة لا يمكن إخفاءها أنو المالية العمومية تغفق وستحاول تسترد أنفاسها هالشهير هذا بالكش بالتوقيع القرض هذا والخروج للسوق العالمية وللبلدان الشقيقة والصديقة، ماهو هاذي وضعيتنا كبلاد بمعنى هذا يلزم يؤخذ بعين الاعتبار، في الأثناء جيب أكبر طيارة في العالم متاع رئيس حكومة وأكبر وزرة متاع اقتصاد في العالم وأعطيهم الكاسة العزيزة الغالية متاعنا ما يعملو حتى شي..."