علق خليل الرقيق كرونيكور برنامج في 90 دقيقة على إي أف أم، اليوم الثلاثاء 29 نوفمبر 2022، على ما باب يعرف إعلاميا بقضية التآمر على أمن الدولة الداخلي في علاقة بوثيقة الـ25 اسما المسربة.

وقال الرقيق:" في غموض ولبس، مقال الشروق والشارع المغاربي مهم جدا في الخلطة هاذي ما بين الاستعلام والتجسس والرهان الرياضي والعالم السيبرني وحكاية كانت مالية بحتة، كانت فيها مشكلة متاع رهان رياضي والدولة نفسها ما حلتش المشكلة متاع الرهان الرياضي...في الشركة الخلل بدا أنو هو استغل نفوذو وغيرو أنو عطاوهم تسمحلو بالنشاط وتقلو أدفع 15 بالميا ضريبة عالمرابيح متاعك ولات أكثر من شركة، ومبعد اللي حاشتك بيه تجبدو يولي غسيل أموال، تي ماهو هاذي هي المشكلة، القضية هاذي هاو كيفاش ما فهمتهاش، انت الـ25 كيفاش خرجو من عند حاكم التحقيق اللي هو مش ناكرهم، ولكن يحتج وهاذيا الصحف جبدتو، توة انت شديت واحد رهان رياضي فكيتلو تليفونو تلقى عندو اتصالات بإعلاميين وسياسيين، محامي 3 متهمين في القضية قال أنو حاكم التحقيق نفسو يحتج على ورود أسامي الـ25 في فضاء التواصل الاجتماعي وطلب فتح بحث في ذلك، يلزم نعطيو حق البشر، فما أسماء في الـ25 هاذم لوكان تجيبلي شكون القضاء متاع عالم كامل نقلك خاطيهم، هاو نعطيك مثال معناها السيد خذاو التاليفون على أساس فما شبهة غسيل أموال في الرهان الرياضي يلقاو في التاليفون اتصالات وعملو معاينة متاع مكالمات واتساب وأي واحد لقاوه في التاليفون لصق 25، معناها الـ25 سي طارق فيهم شكون ذو شبهة وفيهم شكون متهم رئيسي هاو خرج في الإعلام، فيهم شكون ربما فقط بش يقولو انت اش تعمل في تاليفون السيد هذا ولا راهو اتصل بيك على شنوة، بمعنى انجم نلقى 3 أو 4 مشتبهين، و20 واحد ما عندهم في السوق ما يذوقو، صار عنا مسار قضائي ما تنجمش تنكر لا على وزارة العدل ولا أي حد أنك تحلو، عندك مشكلة متاع شبهة تآمر على أمن دولة حل على روحك، ولكن عنا مسار آخر غير قضائي أنو الجهة القضائية خرجت منها وثيقة تحط الانسان الشاهد مع ذو الشبهة مع المكالب بالإفادة مع المطالب بالاستماع، وأصبحت هناك قضية أخرى، فما ناس تحكم عليهم قبل البلطي وقتلي هوما توة ينجمو يشكيوا".