اعتبر خليل الرقيق كرونيكور برنامج في 90 دقيقة على إي أف أم، اليوم الثلاثاء 18 أكتوبر 2022، أن ما يحصل في جبهة الخلاص، وإعلان جوهر بن مبارك عن نيته اختيار طريق آخر، سببه هو ائتلاف الكرامة.

وقال الرقيق:" اللي صار بالضبط هو خلاف ما بين المنصة اللي تحطت في بلاصتها وشكون يتكلم وشكون ما يتكلمش، والجمهور، الجمهور في وسطو ائتلاف الكرامة اللي يحب يطلع مالجمهور للمنصة، وصار تضارب بين الناس وأنا في بلاصة جوهر ما نتغشش، سامحني جوهر بن مبارك يتغشش على شنوة، جوهر بن مبارك يعرف اللي ائتلاف الكرامة هاذوكم زملاؤو ويخدمو عند نفس المشغل، المشغل اللي هو حركة النهضة اختار سي جوهر وسي نجيب وشيماء ومدام سمير الشواشي للمنصة بش يحكيو مع كريس مورفي بش يحكيو مع جوزيف بوريل بش يحكيو مع واشنطن، واختار سي سيف ومجموعة ائتلاف الكرامة لأنو نهار اللي بش يستحق جماعة بش تضرب بونية بش يشعلو عجلة بش يهجموا على مطار بش يلقاهم، إذن التنظيم المحكم والقوة، راهو أي واحد ملاحظ عادي وقت يشوف الجمهور ويشوف المنصة يعرف اللي قاعدين يتكلمو ما عندهم حتى علاقة باللي اللوطة لا في الملامح ولا في الشعارات اللي ترفعت"...