انتقد خليل الرقيق كرونيكور برنامج في 90 دقيقة على إي أف أم، اليوم الاثنين 6 جوان 2022، إضراب القضاة لإعادة كافة القضاة المعفيين إلى عملهم.

وقال الرقيق:" ما لقيناش رواحنا قدام أجواء متاع قصر العدالة... مع كل احترامي لأي قطاع يحب يدافع على نفسو.. يعني اليوم قضاة تونس مضربين ومعتصمين، لماذا، لإعادة القضاة المعفيين الكل إلى عملهم ... لو جاء تحرك خاص بالأربعة أو الخمسة حالات اللي انجمو نقدروا كون تنجم تكون ملفاتهم فارغة هذا مفهوم، لو جاء تحرك أيضا يطالب باستحثاث المسار القضائي للبت في الملفات بش اللي تثبت براءتو يرجع للخدمة متاعو نفهمو أكثر ولكن اليوم نحكيو على 57 فيهم على الأقل جزء خبرتهم المحاكم خبره القضاة كما خبره الشعب والرئيس والحكومة، فما مسارات تأديبية تحركت وما كملتش وفما مسارات تأديبية كان القضاء يستطيع هو نفسو يمشي فيها وما توصلش لرئيس الجمهورية، لكن صارت فيه إخلالات إجرائية خلات بشير العكرمي يرجع إلى سالف عمله، لو المنظومة القضائية اشتغلت كما يجب شنوة الأمر اللي بش يوصل للـ57 كانوا ينجمو يكونوا 20 أو 30، ولكن الحاجة الوحيدة اللي ما ينجمش يفهمها الانسان كونو هناك ملفات غير قابلة للدفاع، يعني جسم قضائي على الأقل يتحرك في الملفات اللي فيها فعلا مسائل دفاعية لأنو مش كي اللي تبنا على تقرير أمني كي اللي على تقرير تفقدي مش كي اللي تبنا على استخبارات كي اللي على وقائع شافوها الناس بالعين المجردة يعني هذا على الأقل نكونو كقضاة نقولو اللي يستحق يلزمو يتعاقب واللي ما يستحقش يلزم نرجعوه ونتضامنو معاه ونمشيو في إطار أنو نفهمو فعلا أنو اللي صار اليوم هو نتيجة ما هوش خور فقط في القرارات متاع السلطة اللي كانت إكراهية بل هو خور في المنظومة القضائية اللي وسعت دائرة الانحرافات من خلال تضييقها في الإجراءات التأديبية وعدم مراقبتها الجيدة للمرفق القضائي لسنوات طوال وعدم بتها في القضايا".