علق خليل الرقيق كرونيكور برنامج في 90 دقيقة على إي أف أم، اليوم الأربعاء 26 أكتوبر 2022، على مسألة اختطاف تونسيين من قبل ميليشيات في مصراتة الليبية.

وقال الرقيق:" الدولة تنجم تتدخل، إذا الحكومة متاعنا تنجح بش تقنع حكومة الدبيبة اللي موجودة غاديكا حكومة الدبيبة، راهو غندهم القنوات الخاصة لأنو الحكومة الليبية متحالفة مع الميليشات وأمراء الحرب، التوانسة اللي يمشيوا يخدموا في الشرق الليبي الكلهم لاباس عليهم يمشيوا بالطيارة ويجيو مقيدين وأمورهم منظمة، البلايص اللي مسيطرة عليهم الجيش الليبي، وين تصير المشاكل قاعدة تصير في غرب ليبيا طرابلس ودوايرها ومصراتة، البلايص اللي مازالوا فيها أمراء الجرب يشتغلو وفي كل حومة حكومة ويطبقوا في الأحكام العرفية، الإنسان أصلا ما عندو حتى قيمة خاصة كي يبدا تونسي عاملين علينا بونتو مانيش فاهم، توة كل مرة مشاوولنا عباد لليبيا لا نعرفوهم لا ميتين لا حيين، مرة يخطفوا خدامة بسطاء عاديين بش يبتزوا بيهم الأموال، يا أخي تاو شنوة معناها وزارة الخارجية متاعنا آش تخدم غادي، الضغط يصير على الجهة الحكومية لأني راهو الميليشيات موجودة بإرادة من الحكومة الليبية بش تصفي بيها أمورها مع خصومها، يعني بسيطة جدا وزارة الخارجية هاني نوجهلها نداء راهم ناسنا وامالينا ما تسيبوش الناس امشيو أعملو كل المستحيلات السبعة عندكم ليبيين موجودين هنا عندكم ليبيين غاديكا تصرفوا يا أخي شنوة"...