أكد خليل الرقيق كرونيكور برنامج في 90 دقيقة على إي أف أم، اليوم الثلاثاء 13 سبتمبر 2022، أن من يقصدهم رئيس الجمهورية في خطاباته وبلاغاته، هم نفسهم من جعلوا الفلاحين والمواطنين يعانون في 2012 و2013.

وقال الرقيق:" هاذوما بيدهم اللي الفلاحة متاعك في 2012، 2013، يقاسيو في تربية الماشية ويبيعو في عيد الأضحى، وهوما مشاو جابو مورد عشوائي، عبالهم الفريقوات بالعلوش الاسباني والبقر الغواتيمالي وخلاو الفلاح يعاني والمواطن يعاني، هاذم هوما وكيفاش ينجمو ينتعشوا هاذم يلزمهم سلطة متاع لصوصية على قياسهم"...
هذا وجعلت كلمات الرقيق زميله سفيان بن حميدة ينفعل قائلا:" شكونهم، أولاد بسم الله هاذم شكونهم"... ليجيب خليل:" أقسم بالله عييت وانت تسمي وأنا نسمي فيهم لسنوات طوال... اللي قلتها مش بلاغ رئاسة الجمهورية، العلوش الاسباني ما ريتوش انت ما تعرفش شكون جابو ما تعرفش شكون يكون مالباب العالي، تي خليني ساكت على أيامي وين نتكلم تولي فوبيا حركة النهضة... أنا قلت عندكم حق يلزمو يسمي ويعاقب أما ما عناش الحق نعملو رواحنا ما ريناهمش واللي هوما أشباح واللي هي أسطورة، على خاطر أحنا ضحايا الاحتكار والمونوبول من أصل الدنيا".