اعتبر سمير ديلو عضو مجلس نواب الشعب المعلقة أشغاله، اليوم الثلاثاء 29 مارس 2022، خلال حضوره في برنامج في 90 دقيقة على إي أف أم، أن رئيس الجمهورية قيس سعيد هو من يخاف الانتخابات.

وقال ديلو:" عمل كل شي من خارج الدستور جاء في حاجة برشا اللي هي حل البرلمان ما تسائلتوش البرلمان اللي يكرهو للدرجة هاذي والنواب اللي تشمت فيهم حتى شماتة شخصية، حتى الناس اللي رجعوا لخدمهم تعرف اللي توة فما موظفين في الدولة التونسية وهاذي فضيحة يتحمل مسؤوليتها رئيس الجمهورية، فما موظفين في الدولة التونسية صفتهم نائب ويخدم موظف وما ينجمش ياخو شهريتو خاطر في التطبيقة هو مسجل نائب وصيفتو بقات، هذايا علاش خاطر السيد رئيس الجمهورية يعرف كي بش يحل البرلمان يلزم انتخابات مبكرة، وقدام العالم في انتظار الانتخابات المبكرة البلاد ما فيهاش برلمان، آش يحب رئيس الجمهورية، يحب البلاد هاي فيها برلمان ولكن معلق أنشطته في الصيغة الرسمية وفي الصيغة المستعملة إعلاميا واللي للأسف الشديد اللي حتى رئيس الجمهورية ولا يستعملها اللي هو برلمان مجمد وكلمة مجمد ما فما في حتى قانون إذا وين الدستور والقانون اللي يحكي عليه؟".
وفي سياق آخر، أشار ضيف برنامج في 90 دقيقة، أن الأمر 117 سيدرس في تاريخ القانون، وسيدرس في مدارج القانون كأكبر فضيحة قانونية في تاريخ الدولة التونسية، لأنه قام بقلب هرم القوانين رأسا على عقب وأصبح الأمر بمقتضاه أعلى من الدستور"...