هاجم رئيس حزب التحالف من أجل تونس سرحان الناصري اليوم الثلاثاء 22 فيفري 2022، خلال حضوره في برنامج في 90 دقيقة على إي أف أم، حراك مواطنين ضد الانقلاب، واصفا إياهم بالمنافقين والانتهازيين.

وقال الناصري:" وقتلي وصفتهم انهم هوما نواحات وندابات يبكون على حركة النهضة مقابل أجر زهيد، راهو مش معناها يقبضو في فلوس، فما اللي يقبض فلوس خاطر شفنا اللوجستيك اللي يعملو بيها اجتماعاتهم من جميع الولايات ويطلعو في 480 كار بش يتلمو في شارع الحبيب بورقيبة هذا لازمو فلوس، لكن فما ناس في مواطنون ضد الانقلاب وأنا نشوف في تصويرتهم اليوم بش ما ياخذوش فلوس، مستعد أنو يبيع ضميرو ويبيع موقفو  ويتاجر برأيو بش يظهر في التلفزة خاطر مرضو بالزعاماتية ومرضو بالحضور ومرضو أنهم هوما زعماء ومناضلين يلزم يتموقع في المشهد السياسي، أحسن فرصة أنو يلصق في ذيل راشد الغنوشي وفي ذيل حركة النهضة اللي نعتبروها انتهت أخلاقيا ومجتمعيا وسياسيا، أكثر مالوجوه هاذوما انتهازيين الحبيب بوعجيلة شفناه في جميع الموائد، أكثر من جوهر بن مبارك اللي وصل يتاجر بتصويرة بوه راجل كبير، جوهر يخدم في خدمة ربي يعينو عليها، لكن طيح من قدرو وطيح من مستواه، وهاذوما ناس قاعدة تشوه في صورة تونس، وهذاكا علاش أغلب الاجتماعات متاعهم واحتجاجاتهم يلوجو على الظهور الإعلامي الدولي بش يشوهوا صورة البلاد، هاذوما مجرمون في حق الدولة التونسية".
كما اعتبر ضيف برنامج في 90 دقيقة، أن مواطنون ضد الانقلاب لا يشكلون أي قلق على مشروع رئيس الجمهورية قيس سعيد، لأن الناس تدرك حقيقتهم ولن يصلو إلى مبتغاهم، قائلا:"..هاذوما غدوة الحي وقتلي يلقاو الطرح مريقل مع قيس سعيد تاو يقلبو على النهضة ويقلبو على مواطنون ضد الانقلاب خاطر عندهم ألف وجه ووجه ما يقلقهمش..فما العديد من الشخصيات اللي نشوف فيهم، نهارت اللي يناديهم قيس سعيد في خطة مستشار ولا معتمد مع احترامي لخطة المعتمد تاو يقبل ويمشي"...