علق سفيان بن حميدة كرونيكور برنامج في 90 دقيقة على إي أف أم اليوم الخميس 2022، على نتائج البارومتر السياسي الذي أصدرته مؤسسة سيغما كونساي بالاشتراك مع جردة المغرب، وركز تحديدا على نوايا التصويت في الانتخابات التشريعية.

وقال بن حميدة:" بالنسبة للتشريعية فما 3 ملاحظات أساسية، عنا 3 وإلا 4 أشهر التوازنات هي نفسها الدستوري الحر في المقدمة متبوعة بحزب قيس سعيد متبوعة بالبقية.. هذا يدل على أنو البلاد مش تتحرك، وما فماش حياة سياسية كبيرة.. الشي الثاني هو نسبة الاحتفاظ كبيرة ياسر أكثر من 70 بالميا في التشريعية، وهذا يخلي اللي المفاجآت تنجم تتوجد لو أنو تصير الانتخابات.. الشي الثالث هو حزب الرئيس اللي في حد ذاتو هو مشكل .. قناعتي أن قيس سعيد إذا يحب يحكم يلزم يحكم بجماعة بعباد، اليوم في التركيبة الحالية ما فماش حاجة أخرى بخلاف الحزب، حتى التنظيم القاعدي يسميه حزب قاعدي مثلا، لكن من غير أحزاب ما ينجمش يحكم، ينجم يلقى تخريجة لكن المشكل إنو هذا مأزق سياسي وفلسفي بالنسبة لرئيس الجمهورية كيفاش بش يفسر للعباد أنو هو ضد الأحزاب أما يلزمو يعمل حزب، وكيفاش هو يحب يعمل بناء قاعدي لكن بناء قاعدي يمر عبر هيكلة حزبية لكن تاو يلقالها حل".