علق سفيان بن حميدة كرونيكور برنامج في 90 دقيقة على إي أف أم، اليوم الخميس 21 جويلية 2022، على الوثيقة المسربة المتعلقة بالتهم الموجهة لرئيس حركة النهضة ورئيس البرلمان المنحل راشد الغنوشي.

وقال بن حميدة:" الوثيقة هي عبارة عن مراسلة من قاضي التحقيق للداخلية بش يطلب فيها البطاقة عدد 2 "الصبة الكل اللي تعرفو الكل واللي ما تعرفوش على روحك، في إطار قضية بحثية قاعد يبحث فيها القاضي متعلقة براشد الغنوشي وفيها قايمة متاع تهم، تعد تغلط، فما كل شي وعقوبات رزينة لو أنتو تثبت التهم حسب القانون التونسي الحالي يوصل للإعدام، وإن كنت أنا نعاود نذكر أني ضد عقوبة الإعدام لكن فما قانون... المشكل أنو الساعة هاذي وثيقة من المفروض داخلية كي تتسرب معناها عندها دلالات واللي هي أنو البلاد مخرومة ما فماش علاش وثيقة كيما هاذي تتسرب وإذا تسربت يحبو هوما يسربوها وأحنا ما نحكيوش عليها، لا لا تسربت إذا أحنا نحكيو عليها الله غالب ما نعطيوكمش بروفا بش تشدوها ضدنا... ما تعرفش شكون المستفيد لأنو كل طرف يحب يلصق المشكلة للطرف الآخر وماهوش هذا المهم، المهم هو أنو الجهاز ماهوش متناغم وفيه مشاكل وتشقو عركات داخلية حقيقية".