ثمن سفيان بن حميدة كرونيكور برنامج في 90 دقيقة على إي أف أم، اليوم الأربعاء 20 جويلية 2022، المجهودات الكبيرة التي تقوم بها وحدات الحماية المدنية في تونس، بالاعتماد على العزيمة والإصرار "والقليب" والكفاءة، على الرغم من تهالك التجهيزات وعدم توفر التقنيات المتطورة وضعف الأجور مقارنة بغيرها حسب تعبيره.

وقال بن حميدة:" الحماية المدنية في تونس قاعدة تخدم في خدمة كبيرة ياسر، مش توة في الحريقة كيما متاع البارح، أما راهو كل يوم يخدمو في خدمة كبيرة ياسر في المشاكل العادية أما إذا ما تدخلتش الحماية المدنية بش تولي مشاكل مخطرة برشا وتتفاقم، المشكلة أنو عددهم قليل ياسر ورواتبهم ضعيفة ياسر مقارنة بغيرهم، وخاصة أنهم يخدمو بلاش تجهيزات راهو بالقليب وصحة الأبدان، التجهيزات متاعهم متهالكة وعندهم كميونات فوق الـ30 سنة عمرهم، التقنيات الموجودة اللي ينجمو يستعملوها قديمة ياسر مقارنة بالتقنيات الجديدة المتوفرة في العالم وما يتماشوش خاصة مع كفاءتهم لأنهم ناس في التربصات اللي يعملوهم في تدخلاتهم عندهم كفاءة عالية جدا، لحسن الحظ الناس هاذوما موجودين لأنو كان مش موجودين بالكفاءة اللي عندهم وبالقليب اللي عندهم الأمور كانت تكون أصعب ببرشا"...