علق سفيان بن حميدة كرونيكور برنامج في 90 دقيقة على إي أف أم، اليوم الخميس 10 نوفمبر 2022، على ما جاء في بلاغ لرئاسة الجمهورية، والمتعلق بأن الحلول تنبع من إرادة الشعب.

وقال بن حميدة:" الرئيس عندو مدة يحكيلنا على إرادة الشعب ماللول صدقناه خاطر ما فماش علاش نكذبوه، ماللول جاء قالك الشعب يريد، إي أما مبعد شفنا في الحقيقة توة عندو عام ونص يحكم وحدو وياخذ في قرارات وحدو ما نشوفوش أنو تشاور مع الشعب ولا تمثل إرادة الشعب، الشعب اللي يحكي عليه وينو، أيا كان ساعة ساعة يهبطلو في شارع الحبيب بورقيبة بعد نص الليل، أما المدة اللخرة الكل، الشعب اللي يحكي عليه وينو؟ ياخي حاطر بجنبو في قرطاج، الشعب اللي أنا نشوف فيه راهو شعب متقلق مالزيادات في الأسعار وما يعتبروش أنو مسألة مضاربة أكهو ومتقلق من الدوايات اللي مش موجودة وما يتعبرش أنو حكاية سوء إدارة المشرفين وأكهو، ثم أنو ما هوش هو اللي حطهم المسؤولين اللي يعملو في سوء الإدارة راهو رئيس الجمهورية، إذا كانت مقولة الشعب يريد صحيحة في بداية حكمو، اليوم ولات صعيب التصديق بيها، إذا كان مش ولات تركيز كلام سياسي فقط"...