علق سفيان بن حميدة كرونيكور برنامج في 90 دقيقة على إي أف أم، اليوم الاثنين 17 أكتوبر 2022، على الحديث الذي توجه به أحد المقاومين القدامى ببنزرت لرئيس الجمهورية، خلال إشرافه على إحياء ذكرى عيد الجلاء.

وقال بن حميدة:" توة السيد الراجل الكبير مالمقاومين متاعنا وكذا، سنو وتجربتو وكذا راهو تخليه الكلام اللي قالو مقبول مفهوم معقول بالنسبة ليه، لأنهم هذا جيل ما فرقش برشا، وماكانش علاش يفرق ما بين الوطن والدولة، ما كانوش يفرقو وعندهم الحق كي ما فرقوش، المشكل مش غادي، المشكل كي أنو يقلك انت هبطك ربي لينا، تجاوبو... لكن اختار يعديها... أنا نعمل مقارنة مع وضعية قريبة سابقة عشناها مع زين العابدين بن علي نهار 7 نوفمبر 1987، التوانسة هبطوا وقتها وعفويا قالوا يحيا بن علي، قاللهم لا تحيا تونس، ما عليناش مبعد كيفاش تعكر كل شي، أما في وقتها كان عندو خضور البديهة بش يقول لا تونس، رئيس الجمهورية مش ماكانتش عندو حضور بديهة، الخطاب اللي قالو المناضل القديم الشيخ لقي هوى في نفسه، جاتو عالمضاغة كيما يقولو التوانسة، وهذا الخطر وين، انو يعتبر أنو عندو مهمة، رسالة ربانية، هذا يصعب عليه فهم الواقع، يصعب علينا التفاعل معاه أو معارضتو".