علق سفيان بن حميدة كرونيكور برنامج في 90 دقيقة على إي اف أم، اليوم الأربعاء 14 ديسمبر 2022، على تصريحات الأمين العام للاتحاد العام التونسي للشغل نور الدين الطبوبي التي دعا فيها بالنزول إلى الميدان.

وقال بن حميدة:" مش مقصود في كل الحالات راهو اللي يهبط للشارع ويعمل ثورة، فما فرق بين اللي يهبط للميدان وما بين تهبط للشارع، تهبط للميدان يعني تتحرك ما تكونش متفرج، معناها تمد يدك للبركة تحاول تكون فاعل في التغيير أو في العمل على التغيير.. العباد ماذابيهم في الظرف هذا مش يقعدو يتفرجوا هاو الاتحاد قال هاو درا شنوة قال، لا ميسالش تكلموا صححوا على عريضة، إذا لزم تهبطو للشارع أهبطو للشارع، ميدان الفعل، الاتحاد يدعو الناس اللي قاعدين على البوة، برشا اللي شفناهم اللي يستناك إنت تاكل العصا، ومبعد هو ياكل الغلة، آه الاتحاد ما هو يعمل في حتى شي أما هوما زادة ما عملو حتى شي، الاتحاد عمل اللي بجهدو ينجم يعملو، أما هوما قعدوا يستناو في غيرهم آش قاعد يعمل بش هوما مبعد إذا تصير زيادات ياخذوها ما يقولوش لا، إذا تصير ضرب واعتقالات وكذا هوما يبداو متخبيين في ديارهم، الناس هاذم وبرشا في تونس"...