علق سفيان بن حميدة كرونيكور برنامج في 90 دقيقة على إي أف أم، اليوم الخميس 28 جويلية 2022، على موقف كل من النائب الألماني توبياس باشيرله والولايات المتحدة الأمريكية من مسار الاستفتاء في تونس.

وقال بن حميدة:" النائب الألماني توبياس باشيرله، هو مجرد نائب من جملة 500 نائب في البرلمان الألماني ينجم ما يمثلش حتى موقف حزبو هذا موقف شخصي لنائب وتونس تنجم ما تجاوبوش... الساعة رانا في عالم مفتوح اليوم ما تنجمش تقول أنا بلاد نعمل فيها اللي نحب وما عندكش حق بش تقيم، علاه الولايات المتحدة ما نقدناها أحنا في سجن بوغريب في العديد من المرات، في كل الحالات اللي تعمل فيه خايب أكثر ماللي تعمل فيه باهي الولايات المتحدة... وبالنسبة للولايات المتحدة، موقف الإدارة الأمريكية دائما يقوم على سياسة الجزرة والعصا ودائما هي شادة العصا مالوسط واللي يهمها في اللخر بالكل أنها تلقى شريك في تونس لحماية مصالحها، ثم أهم شي حكاية الديمقراطية والحريات وقالو بوضوح أنو المساعدات اللي نعطيو فيها بهذا العنوان لتونس هي مساعدات من ضرائب المواطنين الأمريكيين، هذا هو إذن الخطاب اللي يعطي فيه مش لتونس راهو لطمأنة دافعي الضراب الأمريكان أنو فلوسهم مش ماشية خسارة".